For my 2 minute crushes...sometimes 5 mins

Jab se dekha hai meine tujhko dil mein ek aas si jag utthi hai,
Aisa lagta hai mujhko jaise meri tanhai khatam hone ko chali hai,
Yeh sach hai ki meine tujhko apne dil mein jagah toh di hai,
Par yaad rahe iss se pehle yahan pe bas tanhai hi rahi hai.

Jab bhi milta hun mein tujhko meri dhadkanien badh jati hai,
Aisa lagta hai mujhko jaise zindagi bas ek pal mein aakar thami hai.

For my friends...

Likhne baithta hun jab bhi tere bare mein dost toh alfaaz kum pad jate hai,

Sochta hun jab tere bare mein toh khayal kum pad jate hai,

Dost kahun tujhko ya kahun bhai apna,

Par sach toh yeh hai dost ki jab bhi batata hun kisi ko apne dosti ke kisse toh shabd kum pad jate hai.

Jab bhi samay mile dost toh in dino ko tum bhi yaad kar lena,

Yeh samay jo humne saath bitaya isko yaad karke aankhe num kar lena,

Sochta hun dost kya yeh din kabhi vapis aayenge,

Par sach toh yeh hai ki jab bhi guzrunga in galion se jahan hum baitha karte the mein kho jaunga.

Aaj tujhe dene ke liye mere pass kuch nahi hai dost,

Bas kuch lafz hai jo apni dosti ke sakshi hai,

Bas ek vaada hai dosti nibhane ka,

Bas ek dua hai ki tu Zindagi bhar khush rahe,

Sochta hun kya dun tujhko dost aaj mere pass tujhe dene ke liye kuch nahin hai…

Poem close to my heart...

Dekho taare aasman mein jagmaga rahe hai aur zameen par

Kitne apne vishvas ko aazma rahe hai,

Saath hai saare taare mujhe dekh shayad voh bhi muskura rahe hai,

Jaise mujhse keh rahe ho --

“Teri duniya nahi rangeen,

tere saathi hai gum geet,

sapne tu bhi dekh le haseen,

kyun ki ek din tera bhi aayega,

tu bhi ek din meri tarah jagmagaye ga.”

Par ek taara kyun alag khada hai jaise kahin jaana ho isko par shayad akela hi chala hai,

Dekh usko kuch der ko mein bhi khush ho gaya mujh jaisa bad kismat yeh taara bhi ho gaya…

When i think about my self

Jab bhi sochta hun apne bare mein kuch alfaaz dil se nikal Jate hai.

Jab bhi hota hun tanha kuch alfaaz dil se nikal jate hai,
Zindagi iss mod pe le aayegi yeh socha nahi tha magar jab sochta hun kuch alfaaz dil se nikal jate hai.

Jab bhi rota hun akele mein kuch alfaaz dil se nikal jate hai,
Kismat ke iss khel ko kabhi parkha toh nahi tha magar jab bhi gaur karta hun kuch alfaaz dil se nikal jate hai.

Jab bhi chalta hun akela raston par kuch alfaaz dil se nikal jate hai,
Logon ki pareshaaniyon ko kabhi samjha toh nahi magar jab dekhta hun sab ko pareshaan kuch alfaaz dil se nikal jate hai…